الخميس، 25 يونيو، 2009

نتيجه طبيعيه

زعلت اوي لما كريم صاحب مدونه يوميات مطلق جالي في معاده بتاع كل اسبوع و قالي انه حيقفل المدونه بتاعته

طبعا دي حريه شخصيه و معلقتش علي الموضوع ده و لاني عارف انه بطل يدخل علي المدونات فحتكلم براحتي

سوري يا كريم انت غبي

غبي لانك فكرت انك ممكن تغير حاجه
غبي لانك استسلمت بسهوله
غبي لان كل كلامي معاك مجبش اي نتيجه

حنتكلم تاني كتير اوي

الخميس، 16 أبريل، 2009

الملهم

الكلام الي جاي مش تثبيت و لا مجامله و لا اي حاجه الكلام الي جاي ممكن تعتبروه شهاده حق من واحد ملوش اي امل في حياته الي علي اعتاب النهايه

كلمه حق في راجل اثر فيا بيائسه و احباطه بس برضه قال كل حاجه ممكن تتقال في دماغي و علي فكره انا مش اول واحد يقول الكلام ده
بعتباري حاليا مبخرجش و اشوف الناس و صاحبي الوحيد هو المدعوق الي قاعد قدامه ده لفيت و قرات كتير اوي عنده و عند غيره لقيته ماثر في كتير زيي
لقيته عند ناس كتير اوي من الاخوه المدونين
صوته بيحاول يوصل بس هو غبي و انا اسف اني بقول عنه الكلام ده بس للاسف دي وجهه نظري فيه لانه ميعرفش انه زي الغرقان الي بيتعلق بقشه او الي تايه في الصحراء و بيجري ورا السراب

الراجل ده فعلا جه في زمن غلط ولازم يموت لان الموت راحه للي زيه من عزابه و حيرته و همه

تحياتي ليك يا استاذ كريم (مدونه يوميات مطلق)

الأربعاء، 15 أبريل، 2009

معلومات اساسيه

كنت مدون وسط الناس بحاول اتكلم و اقول يمكن حد يسمع و يفهم
كنت عامل زي سلامه و هو قاعد يلف في البلاد ينادي علي جهاد و محمود و لما عرف بخطر التتار قعد يحكي لكل الي بيقابله و ينبهه علي الخطر الي جاي بس للاسف محدش رضي يسمع له كله كان هم الناس تسمع حكايه حب او فراق بس محدش رضي يسمع حكايه الخطر القادم .

ولما اتاكدت ان محدش سمع او فهم قررت اعمل اخر محاوله بالمدونه دي و الي حتستمر انشاء الله مع مغفل تاني غيري بعد ما اموت

وده نتيجه اشتباه في كنسر في مرحله الحمد لله لسه مش متقدمه اوي

تاكدوا ان حاله الاكتئاب و السواد مش سببها مرضي ده سببها الي شوفته في عمري الي كله علي بعضه 30سنه